ગુજરાતના આદરણીય મુખ્યમંત્રીશ્રી વિજયભાઇ રૂપાણીએ નર્મદા નદીના કાંઠે સ્ટેચ્યુ ઓફ યુનિટી અને સરદાર સરોવર બંધ નજીક એકતા નગર ખાતે આવેલા ખલવાણીમાં ૧૭ ઓગષ્ટ, ૨૦૧૯ના રોજ રાજયનનુ સૌ પ્રથમ રીવર રાફટીંગ ખુલ્લું મુક્યું હતું.

વિશાળ પટ પૂર પૂર જોશમાં વહેતાં નર્મદાના નીરમાં આ સાહસિક રાઇડીંગ દિલઘડક રોમાંચ આપતી બેમિસાલ જળક્રીડા છે. તો આવો રાફટીંગના રોમાંચને માણો નર્મદા નહેરના ૬ જેટલા રેપિડનો અનુભવ અહીં મળે છે. એકતા નગરમાં ખલવાણી ખાતે રીવર રાફટીંગ પ્રવૃત્તિ માટે સરદાર સરોવર બંધમાંથી ૬૦૦ કયુસેક પાણી નિયમિત છોડવામાં આવે છે

ખડકો અને નર્મદાના નીરથી ઘેરાયેલી આ નિર્જન જગ્યાએ માનવ હસ્તક્ષેપને કોઇ અવકાશ નથી. પડાવ અને પદયાત્રા માટે આ જગ્યા આદર્શ છે. વન્ય જીવનના ચાહકો માટે બાજુમાં શૂળપાણેશ્વર અભયારણ્ય અમૂલ્ય ખજાનો છે. સ્ટેચ્યુ ઓફ યુનિટીની વઘતી જતી લોકપ્રિયતાથી પ્રવાસન શકયતાઓ સઘન થતી જાય છે.