સ્ટેચ્યુ ઓફ યુનિટી ભારતની એકતાના પ્રેરણાપુરુષ અને મુત્સદ્દી રાજપુરુષ સરદાર વલ્લભભાઇ પટેલની જીવનની અનુમોદન રૂપ છે.સરદાર વલ્લભભાઈ પટેલની આ વિશ્વની સૌથી ઊંચી પ્રતિમા અત્યંત રમણીય અને નયનરમ્ય વિસ્તારમાં સરદાર સરોવર બંધની સન્મુખ બંધ સ્થળથી ૩.૨ કિલોમિટરના અંતરે આવેલી છે. આ વિરાટ પ્રતિમા નર્મદાકિનારે આવેલા એકતા નગર નજીકના સાધુ બેટ પર તૈયાર કરાઇ છે. ભારતના ગુજરાત રાજ્યના નર્મદા જિલ્લામાં આ સ્થળ આવેલું છે. વિંધ્યાચળ અને સાતપુડા પર્વતની ગિરિમાળાઓની વચ્ચે આવેલું આ સ્થળ ભારતના સૌથી લોકપ્રિય પ્રવાસન સ્થળ તરીકે ઝડપભેર સ્થાન પામી રહ્યું છે

આ સ્ટેચ્યુ ઓફ યુનિટીના નિર્માણ પાછળનો હેતુ સરદાર વલ્લભભાઈ પટેલના એકતા, રાષ્ટ્રવાદ, સર્વસમાવેશક વિકાસ અને સુશાસન જેવા દૃષ્ટિકોણ તથા સિદ્ધાંતોથી આવનારી પેઢીઓને માટે પ્રેરક બનાવવા માટેનો છે.