પ્રખ્યાત વ્યકિતઓનું યોગદાન: ભારતના અગ્રગણ્ય ન્યુટ્રીશનીસ્ટ સુશ્રી રુજુતા દીવાકરે ચિલ્ડ્રન ન્યુટ્રિશન પાર્ક અને તેની જુદી જુદી ખાસિયતો વિકસાવવામાં ગુજરાત સરકારને મદદ કરીને ઘણું માર્ગદર્શન પૂરું પાડયું છે. ભારતના પીઢ અભિનેત્રી વહીદા રહેમાનજીએ પણ આ પ્રોજેકટમાં ભાગ લઈને હોલોગ્રામ પ્રોજેકશન પર લાગણીસભર અને માહિતીપ્રદ ગીત સાથે માતાની ભૂમિકા ભજવી છે. આ ગીત આઈકોનિક પ્લેબેક સીંગર આશા ભોશલેજીએ ગાયું છે. આ અનોખો થીમ પાર્ક ભારતમાં પ્રથમવાર બન્યો છે. ભારતમાં જ નહી પણ સમગ્ર વિશ્વમાં બાળકો અને માતા પિતા માટે મુખ્ય આકર્ષણ કેન્દ્ર બન્યો છે.